Како да се подготвиш за проба на венчаница?

Фотографија: C&P Media

Подготовката за проба на венчаница е значително возбудливо искуство и клучен чекор кон комплетирање на Вашиот специјален ден. Како и секој останат дел од свадбените подготовки, така и за венчаницата треба да имате однапред договорен, конкретен буџет. Дефинирањето на потрошувачките граници ќе Ви помогне да го насочите Вашиот избор и воедно да ги исфилтрирате бесконечните опции кои ви ги нудат дуќаните за венчаници. Овој финансики потег ќе Ви овозможи да ги истражите венчаниците во рамките на Вашите можности, без прекумерен стрес во целото шопинг- искуство.

Собирање на податоци од различни стилови кои најдобро се вклопуваат со Вашиот, е следниот чекор на кој треба да му посветите внимание. Најпрвен обрнете внимание на различните опции на силуетни венчаници кои одговараат на Вашите пропорции, потоа варијациите на деколтето, како и преференциите на различните видови на ткаенина. Овие неколку основни патокази ќе Ви помогнат поефективно да го конкретизирате и олесните процесот на избор на венчаницата која највеќе одговара на Вашите стандарди. Со ова значително ќе им ја олесните работата на невестинските консултанти во пронаоѓање на Вашата венчаница од соништата.

Фотографија: C&P Media

Меѓутоа, времето е клучно кога закажувате проби за венчаници. Најидеално е да започнете со шопинг 9-12 месеци пред планираната венчавка, за да може да оставите доволно време за измени и непредвидени одложувања.

Исто така многу важен фактор е изборот на вистинската придужба која ќе Ви помогне во изборот на венчаница. Селектирајте мала група на најбликите пријатели или членови на семејството, чии мислења најмногу Ви значат. Иако различните перспективи можат да бидат многу корисни, пренатрупаната придружба може да доведе до конфликтни совети, така што може да го отежни целиот процес на донесување одлуки.

Носењето соодветна долна облека и чевли на Вашите закажани проби е многу битна. Оптимално е да носите кремава долна облека која е блиску до бојата на Вашата кожа, како и градник без прерамки за да бидете подготвени за проба на било каков модел на венчаница, така што ќе добиете попрецизна слика на како тоа се ќе изгледа на денот на вашата венчавка. Доколку преферирате одредена висина на чевли, пожелно е да понесете со Вас сличен пар потпетици за да се осигурате дека должината на фустанот ја надополнува Вашата избрана обувка.

Фотографија: C&P Media

Иако е корисно да имате јасна визија за тоа што Ви се допаѓа и прилега за времетраењето на пробата на венчаница, битно е да бидете отворени за повеќе различни стилови кои ќе Ви ги препорача консултантот. Венчаниците може да изгледаат поинаку на вашето тело отколку на закачалката, па затоа неочекуваниот избор понекогаш може да доведе до изненадувачки резултати кои никогаш не сте можеле ни да ги замилите. Затоа е важно да бидете подготввени и да излезете малце од комфор зоната и да екпериметирате со различните модели на венчаници.

Фотографијата нека биде Ваш најдоверлив пријател во целиот процес. Сликајте ја секоја венчаница од различни агли за да имате чист преглед од сите опции кои сте ги имале таа проба. Ова Ви овозможува објективно да го процените целокупниот изглед и деталите на секоја венчаница со што ќе Ви се олесни процесот на донесување на конечната одлука.

Фотографија: C&P Media

И како најбитно го издвојуваме Вашето мислење, односно инстинкт. Ако најдете венчаница која целосно се вклопува со Вашата совршена визија, Ве прави самоуверена и ја истакнува Вашата убавина, не се двоумете да кажете "ДА". Секогаш совршената венчаница е онаа која го рефлектира Вашиот уникатен стил и карактер и Ве прави среќни уште од прв поглед.