Свадбени декорации со свеќи наместо цвеќиња?

Осветлувањето на свадбениот амбиент со свеќи прави една романтична привлечност која дава сјај или акцент, фигуративно и буквално, на сите елементи од свадбените декорации. Дали ќе се одлучите да ги декорирате масите за дочек со разнобојни, конусни свеќи како централна декорација или пак сакате големи, мотивни свеќи на отворен простор, никогаш нема да згрешите со изборот на "мотивот со свеќи" кој дава безвременска естетика на целиот простор на Вашиот голем ден.

Фотографија: C&P Weddings & Events

Подолу, ќе најдете примери на декор со акцент на свеќи перфектно изведен. Од конусни свеќи со различна должина на елегантни маси, до самостоечки столбести свеќи поставени на кружни скалила, сигурно ќе го пронајдете вистинското амбиентално осветлување кое најдобро одговара Вашиот стил.

1. Поставете ги свеќите во текстурирани чаши

На оваа неверојатна венчавка малите свеќи беа ставени во текстурирани чаши и беа поставени меѓу другите свеќи на масите за вечера, што создаде неверојатна атмосфера. Има нешто многу убаво во блескавиот ефект.

2. Користете канделабри како централна декорација

За да создадете  амбинетален изглед за свечена вечера, поставете високи златни канделабри на вашите маси. Како што е оваа свадба дизајнирана на Тара Герард, тие лесно можат да доловат елегантен и едноставен изглед.

3. Контрастни самостоечки столбести свеќи и висечки светлосни тела

Оваа свадба во Чикаго е совршен пример за познатиот израз „повеќе е повеќе“. Начинот на кој овие столбести свеќи се користат во декоративното групирање на масите дава екстравагантен израз на целиот амбиент, како и висечките тела во кои се поставени свеќите. Тие додаваат стил во целата декоративна композиција и ја прават уникатна и елегантна.

4. Направете ѕвездено небо од свеќи

Создадете ја илузијата на ѕвезди во шатор или билокаков затворен простор со светол плафон, со закачување на стаклени сфери исполенти со мали свеќички кои се прикачени со проѕирен или метален конец. Колку повеќе сфери, толку побогат и по "топол" амбиент.

5. Користете свеќници и конусни свеќи

Никогаш нема да згрешите во изборот за добра декорација користејќи златни свеќници и бели конусни свеќи како овде на фотографијата, акцентирани со венец од бујно зеленило, овошни акценти и мали бели вотиви од свеќи.

6. Позирајте пред декорациите со свеќи

Секоја невеста која е заљубена во мекиот и топол сјај на свеќите мора да позира во оваа прекрасна атмосфера, вадејќи фотографии и те како достојни за Инстаграм, на кои никој нема да остане рамнодушен.

Како што видовте на посочените примери, отворениот пламен е неспорно зачудувачки како во реалниот живот, така и на фотографиите. Сите тие треперливи пламени фрлаат килибарен сјај што создава неспоредлив амбиент кој изгледа неверојатно.

Еден од најдобрите декоратори кои може да направи да Вашата свеченост изгледа прекрасно со декор од свеќи е Ane Blue Flowers. Декорира со многу креативни парчиња свеќи, кои одговараат на сечиј вкус.

Но, доколку се чувствувате креативни и имате дарба за рачна изработка, можете самите да изработите споствени парчиња свеќи, давајќи личен допир на Вашиот свадбен декор.